GameApps.hk 香港手機遊戲網

特急!《One Piece》手機遊戲4連發!

2013-06-08 10716
Tags: One Piece
icon
NAMCO BANDAI 日前喺 Android 平台上一口氣推出四款以《One Piece》為主題既手機遊戲,分別係社交類型《ONE PIECE モジャ!》、考驗反應力既《ONE PIECE 剣豪 ロロノア・ゾロ 歴戦の猛者達 》、紙牌類型《ONE PIECE 海賊大富豪》、彈珠遊戲《ONE PIECE 麦わらピンボール マリンフォード頂上戦争》。每款遊戲之間,不管是內容或者係特色都完全唔同!

 

在呢次遊戲四連發之後,官方也預告了六月下旬還會再推出一款以《One Piece》為主題既遊戲,睇來佢地都準備係手機平台度出手喇!但係可惜每一款遊戲都係收錢既,大約$13HKD,而家我地就一齊睇下呢4隻Game玩咩啦!


《ONE PIECE モジャ!》偏重互動味!

 

《ONE PIECE モジャ!》係款社交小遊戲,遊戲中玩家將可以係航行途中遇到各式各樣既夥伴,並且透過各種小遊戲來取得特殊道具,運用呢啲道具來改造船隻甲板,打造屬於自己海盜船,遊戲中仲開放玩家互相拜訪功能,藉此增加更多玩家們之間互動性。

日本限定下載!


 

《ONE PIECE 剣豪 ロロノア・ゾロ 歴戦の猛者達 》考你反應!

 

《ONE PIECE 剣豪 ロロノア・ゾロ 歴戦の猛者達 》係以索隆為主角,喺遊戲中,玩家必須要用手指喺螢幕上滑動,操控索隆斬殺障礙物或前來襲擊敵人,每一個關卡都有一個Boss,呢啲Boss都係喺漫畫中曾經出現既對手,而且仲配搭埋一啲盛大場面,俾玩家喺遊戲中回味漫畫既過去熱血場面。

日本限定下載!


 

《ONE PIECE 海賊大富豪》大玩紙牌對戰!

 

《ONE PIECE 海賊大富豪》主要係玩日本撲克牌遊戲大富豪,其規則類似台灣式「大老二」,只係喺大富豪遊戲中又添增咗更多特殊規則(比如換牌)。喺《ONE PIECE 海賊大富豪》中,玩家可以自己選擇使用角色來同其他人一齊打牌,每出一次牌就可以累積能量值,等到能量值全滿時就可以發動角色必殺技,每個角色既必殺技都唔同,好似魯夫既「霸王色霸氣」,可以強制其他玩家丟掉手中最大既一張牌,玩家可以依照自己打牌習慣來選用邊個人既必殺技。

日本限定下載!


《ONE PIECE 麦わらピンボール マリンフォード頂上戦争》熱血彈珠打Boss!

 

 

《ONE PIECE 麦わらピンボール マリンフォード頂上戦争》係款彈珠遊戲,故事背景設定喺馬林福特頂尖對決篇,玩家與白鬍子海賊團一齊挑戰海軍三大將,最終目的就係要拯救被俘虜既艾斯。在遊戲中,彈珠打到特殊地方時,將會啟動畫面中間既拉霸機,如果拉霸機湊成相同圖案,可以使用特殊必殺技來影響戰局,比如「霸王色霸氣」可以令彈珠一次變成五粒,喺攻擊Boss時可以有效率。

日本限定下載!



Tags: One Piece


Advertisement
廣告贊助
Follow Us

  人氣#TAG

遊戲APK下載搜尋

手機版 | 聯絡我們
© GameApps.HK 香港手機遊戲網 2013-2024