Kinect 2.0 現場實測效果揭示！

2013-05-22 8022

今次Xbox one 公佈左主機同Kinect 2.0，主機有咩料大家都好清楚喇！但係我地最想知既仍然係今次Kinect 2.0個改進到底有幾多呢？記者仔就為大家帶來Microsoft 喺總部既即場示範效果，大家唔好過呀！

影片解說！

首先可以看到改進深度感應演示，其精準度係上一代既三倍，可以捕捉到諸如T卹皺褶或者玩家扭動胸部既細節。更大既60度視角最多可同時追踪6名玩家，並能夠準確感應到更深既空間。接下來演示既係紅外感應，呢個功能可以俾Kinect 2係一個完全黑暗既房間，都可以感應到玩家。所以，晚黑關燈既時候都可以用Kinect。

新1080p攝像頭視野和細節也更一流，用來進行Skype視頻聊天效果更出眾。最令人印象深刻既係當屬Kinect 2處理能力既改進。經過改進既骨架映射功能精度更高，可以跟踪到手掌動作以及肩位動作。肌肉追踪則可以感知玩家身體邊個部位正喺度用力，玩家將身體重心放喺邊隻腳，甚至通過速度感知每個動作所用既力氣大小，並通過大小唔同既白色圓圈來表示。 Kinect 2也可以感應到玩家既朝向，將可以更好地控制遊戲中角色移動。

心率感應則係今次Kinect 2新賣點，Kinect 2只需用攝像頭對住你就可以讀取出心率！雖然具體原理仲有公佈，不過好似又幾準呢。面部識別功能可以辨識出玩家，並且可以識別玩家係咪同緊Kinect 2進行互動。如果你喊出“Xbox Pause”但係臉無睇住電視，Kinect 2就唔會理你，以避免錯誤操作。另外，Kinect 2仲可以根據玩家表情識別出玩家係高興、悲傷定係無聊。Kinect 2唔只可以睇到你，仲可以係嘈雜既遊戲/電影背景“噪音”中很好地識別出你既聲音，喺遊戲或電影進行過程中對Xbox One下達語音指令都唔駛再大叫。