《神魔之塔》攻略第三回！

初中全推攻；高超撐血回

如果玩家只係以初、中級作為目標，咁可以唔洗理以下文章，直接衝攻就得，簡單用6.25或4倍甚至2倍都可以輕鬆通關，至於高同超級就要注意一下，或者純色隊可以用4倍強行通關，但如果無控場技，打最後BOSS都係好辛苦，15％嘅反傷加上BOSS有高血量，好難靠強攻闖過，結果大部份玩家都係靠高血量加回復技寵物磨過，暫時成為攻略浮士德嘅主流組合，特別係雙光遊，今次認真發威啦!

通關要點

．由於關卡無心珠，而玩家打高、超級關卡無乜可能秒過，所以敬請自行準備轉心或回血怪，有高血量更可以安然渡過。

．用獸隊的請注意，關卡副BOSS會因玩家獸族寵物的多少而提升攻擊力（1隻1.4倍、2隻1.8倍、3隻2倍，最多2倍加成），雖要有玩家靠高技、高級嘅獸隊先過到超級。

．高、超級怪物只會有連擊技能，而攻擊力與血量會隨著層數而增加。

．最後BOSS有15％反傷技能，高同超級嘅BOSS分別有60萬同100萬，單單反傷亦有7萬多與15萬攻，所以玩家一定要有回復技能先可以攻略高級或超級。

．對攻略高同超級影響最大嘅係回復系怪物嘅技能等級，打人最痛嘅都係最後BOSS同尾二隻怪，CD亦只有2個回合，所以玩家要有高級嘅技能先可以輕鬆攻略得到！

．或者玩家有高級嘅妹子系列，都可以用嚟做隊友，利用被動技色珠有心珠效果穩過關（但要小心血量不足）。

光遊發威、一嘢回滿血！

反觀獸隊無高技能等級就悲劇了！

今次關卡小怪技能無咁煩。

兩星期關卡刷中級都會打到嘅～